Belfast 19. - 22. apríl

 

info heading

info content





Verð frá 98.900 kr.-



BÓKA FERÐ

 

Belfast

Belfast, höfuðstaður Norður-Írlands, hefur gengið í endurnýjun lífdaga síðan friður komst á í borginni árið 1998. Í borginni blómstrar nú menningarlífið sem aldrei fyrr, næturlífið er fjörugt, sagan ríkuleg og ómur af írskri þjóðlagatónlist berst út um dyr og glugga kránna.

Titanic Belfast

Margt er að sjá og skoða í Belfast fyrir ferðamenn. Eitt helsta aðdráttaraflið býr í sögu RMS Titanic, sem var smíðað í borginni í skipasmíðastöð sem þá var sú stærsta í heiminum, enda var Belfast stöndug iðnaðarborg í upphafi 20. aldarinnar.

Ýmislegt er í boði fyrir þá sem hafa áhuga á sögu Titanic, meðal annars glæsilega hönnuð margmiðlunarsýning um smíði og sögu skipsins og veitingastaður sem býður upp á síðustu máltíðina sem borin var fram í skipinu. Nýtt og glæsilegt hverfi, Titanic Quarter, er nú að byggjast upp meðfram ánni Lagan en gamlar skipasmíðastövar víkja.

 

Guinness og gelíska

Gamla Írland er þó aldrei langt undan í hinni nútímalegu Belfast. Fyrir utan sterka og lifandi þjóðlagatónlistarhefð má sjá gelískuna á skiltum og sums staðar heyra hana talaða, en gamla írska tungan var endurvakin á 7. áratugnum og í dag hafa 4,4% írsku þjóðarinnar hana að móðurmáli.

Hiklaust er hægt að mæla með innliti á gamaldags krá, könnu af Guinnessbjór og skál af heimagerðri beef stew. En borgin er líka full af spennandi veitingastöðum af flestu tagi og lítill vandi að finna sér bita við hæfi.

Gamalgróinn markaður, St. George’s Market, er haldinn allar helgar í fallegum byggingum frá Viktoríutímanum og var valinn besti innimarkaður Bretlands árið 2014. Markaður hefur verið haldinn á þessum stað síðan 1608 og þar fæst meðal annars ferskt sjávarfang, handverk og antík.

Gott að vita:

  • Flogið er á Q400 Bombardier vélum og flugtíminn er 2 tímar og 55 mínútur. Farið er með rútu að flugvél frá hliði á Keflavíkurflugvelli.
  • Spjaldtölvur (iPad mini) eru í boði á meðan á flugi stendur og hægt er að fá kaffi, te, vatn og gosdrykki án endurgjalds.
  • Tollfrjáls verslun er um borð.
  • Farangursheimild (20 kg.) er innifalin með öllum tegundum fargjalda til Belfast.
  • Flogið er til George Best Belfast City Airport sem er aðeins 5 km frá miðborginni.
  • Verslun er sérstaklega þægileg í Belfast þar sem verslunargötur í miðbænum eru á fremur litlu svæði, auk þess sem tvær verslanamiðstöðvar eru þar skammt frá, að ógleymdum ýmsum mörkuðum.

 

Upplýsingar um Belfast eru teknar af vef AirIcelandConnect

(https://www.airicelandconnect.is/afangastadir/irland/belfast)

Hótel

Hilton Belfast er glæsilegt 4**** hótel vel staðsett í miðbæ Belfast.
Herbergin eru rúmgóð og glæsileg, eins og Hilton keðjunni sæmir.

Innifalið er góður morgunverður.

Heimasíða hótelsins:  HÉR

 

Flugtímar

18. apríl      Akureyri - Keflavík        04:30    05:20
18. apríl      KEF - Belfast                07:45    11:40
22. apríl      Belfast - KEF                13:40    15:35
22. apríl      Keflavík - Akureyri        17:15    18:05

Flogið með AirIcelandConnect

Skilmálar & skilyrði

http://www.aktravel.is/skilmalar.pdf 

 

Ferðaskilmálar fyrir hópa- og pakkaferðir

http://www.aktravel.is/ferdaskilmalar.pdf 

 

Annað

  • Enginn farastjóri er í ferðinni

  • Takmarkað sætaframboð er í ferðina

  • Ferðaskrifstofa Akureyrar áskilur sér rétt á að fella niður ferðina ef þátttaka er ekki næg.
    Nánari upplýsingar hjá starfsfólki Ferðaskrifstofu Akureyrar.

 4600600
 aktravel(hja)aktravel.is