Benidorm 14. - 21. apríl 18'

 

info heading

info content





Verð frá: 126.500 kr.



BÓKA FERÐ

 

Benidorm

14. - 21. apríl 18'
Beint flug frá Akureyri

Hvernig væri að slaka á í sólinni á Benidorm og taka fagnandi á móti sumrinu?

Tilvalið er að skella sér í frí og njóta lífsins. Sumardagurinn fyrsti er þann 19. apríl
og gæti því tímasetningin á þessari ferð ekki verið mikið betri.

Hotel Melia - Bendirom.
Gott 4**** hótel með morgunverði

Verð frá
: 126.500 kr.
á mann í tvíbýli
               161.800 kr. á mann í einbýli

Innifalið í pakkanum er:
Beint flug frá Akureyri, innrituð 20kg taska, gisting á Hotel Melia Benidorm, góðu 4****
stjörnu hóteli með morgunverði og akstur til og frá flugvelli.

Fararstjóri í ferðinni er Svandís Guðmundsdóttir.

Möguleiki er á að kaupa hálft fæði á hótelinu en það kostar 15.000kr aukalega á mann.
Fullt fæði kostar aukalega 30.000kr á mann

Hotel Belroy Apartments.
4**** Íbúðarhótel með morgunverði
 
Verð frá
: 82.450 kr. á mann (tveir fullorðnir og tvö börn)
                94.500 kr. á mann (tveir fullorðnir og eitt barn)

Innifalið í pakkanum er:
Beint flug frá Akureyri, innrituð 20kg taska, gisting á Hotel Belroy Apartments, góðu 4****
stjörnu íbúðarhóteli með morgunverði og akstur til og frá flugvelli.

 

Benidorm

Slappaðu af í sólinni!

Benidorm er staðsett á hinu vinsæla Costa Blanca svæðinu á Spáni. Costa Blanca
þýðir „Hvíta ströndin“ og stendur svæðið svo sannarlega undir nafni.  Strandlengjan
er gullfalleg, hvítur sandur svo langt sem augað eygir, og óviðjafnanleg sólin heldur
henni volgri allt árið um kring. Á Benidorm finna allir eitthvað við sitt hæfi. Hvort sem
það eru veitingastaðir og barir, sundlaugagarðar eða bara rólegheitin á ströndinni, er
alveg ljóst að um frábæran sólarstað er að ræða.

Benidorm er í um klukkustundar akstursfjarlægð frá Alicante. Benidorm svæðið hefur
verið einn vinsælasti áfangastaður Íslendinga.

Á Benidorm er fjöldi frábærra veitingastaða, bæði í gamla bænum og við strandgötuna.
Gamli bærinn hefur mikið aðdráttarafl. Síðdegis fyllast göturnar þar af fólki sem kemur
til að sýna sig og sjá aðra.

Strandlífið

Benidorm státar af 4 ströndum sem unnt er að velja á milli þegar það á að slappa af á
ströndinni. Levante-ströndin er vinsælust en hún hefur hlotið bláa fánann margoft, síðast
2014, en ströndin er um 2 km löng. Við hlið Levante-strandarinnar liggur Poniente-ströndin
sem einnig státar af bláa fánanum en hún er vinsæl meðal íbúa svæðisins og spænskra
fjölskyldna en hún er um 3 km löng. Þá eru strendurnar La Cala Finistrat og Mal Pas, sem
státar af bláa fánanum, minni en hinar en vinsælar meðal íbúa svæðisins, tilvalið að kíkja
þangað til að eiga rólegan dag á ströndinni.

Hótel

Melia Benidorm er flott 4* stjörnu hótel á góðum stað skammt frá Levante-ströndinni. Eitt
besta hótelið á Benidorm með glæsileg sameiginleg salarkynni, frábæran sundlaugargarð
og vel útbúna heilsulind.

Á hótelinu eru 526 björt og rúmgóð herbergi sem voru tekin í gegn árið 2015. Herbergin eru
með svalir sem snúa ýmist út að hafi eða inn í garðinn. Í öllum herbergjum er gervihnattasjónvarp,
sími, internet, útvarp, smábar, loftkæling, hárþurrka, marmaragólf, skrifborð, sófi og öryggishólf
sem rúmar fartölvu (gegn gjaldi).

Nokkur veitingahús eru á hótelinu;

  • El Curt er með hlaðborð
  • El Moralet og á sundlaugarbarnum Chiringuito L'Illa er hægt að fá snarl og léttari
    rétti (ekki innifalið í verði fyrir hálft fæði).
  • Á bar hótelsins er líf og fjör. 

Sundlaugargarðurinn er stór og glæsilegur, þar eru tvær stórar sundlaugar, barnalaug og sérstakt
svæði fyrir börnin. Einnig er innilaug og nuddpottur. Heilsuræktin er glæsileg og þar er í boði fjölbreytt
úrval snyrti- og nuddmeðferða auk þess sem hægt er að fá nudd á herbergjum.

Við sundlaugina er hægt að leigja handklæði. Greiða þarf 10 Evru tryggingagjald fyrsta daginn, sem fæst
endurgreitt ef hótelgestir skila handklæðum sínum.

 

FJARLÆGÐIR

Flugvöllur: 56 km - 50 mín

Miðbær: 2,5 km í gamla bæinn

Strönd: 900 metrar að Levante ströndinni

Veitingastaðir: Á hóteli og allt um kring

Hótel

Hotel Belroy er flott 4* stjörnu íbúðarhótel á góðum stað . Hótelið er staðsett í aðeins 3ggja
mínútna göngufæri frá ströndinni og aðeins um 60 metra frá Playa de Levante, miðpunkti 
Benidorm.

Herbergin eru vel útbúin með litlum eldhúskrók og sér baðherbergi. Útisvæðið í kringum hótelið
er einkar glæsilegt en þar er að m.a. að finna flotta útisundlaug og leiksvæði.

 

SKEMMTIGARÐAR OG VATNSRENNIBRAUTAGARÐAR –
ÞEIR BESTU Á SPÁNI!

Benidorm er skemmtileg, það er alveg ljóst! Renndu þér í sólinni eða skelltu
þér í skemmti- og/eða dýragarð með alla fjölskylduna, það slær í gegn!

 

 

Mundomar;– Vatnaveröld og framandi dýralíf

Heillandi ævintýraland með fallegu sjávarlífi og framandi fuglalífi. Sjáðu dansandi
höfrunga, sæljónin leika sér, páfagaukasýninguna og farðu með börnin í
barnalandið. Og ekki gleyma hinu risastóra fiskabúri þar sem litadýrðin og fjölbreytnin
er æðisleg. Frábær garður.

Vegalengd er ca 1-5 km frá flestum hótelum á Benidorm.

Terra Natura;– Glænýr náttúrulífsgarður

Engar sýnilegar hindranir á milli þín og dýranna. Sjáðu undur náttúrunnar með eigin
augum á stórfenglegum sýningum og með snilldarlega útsettum atriðum. Í garðinum
færðu tvo fyrir einn, þar er líka Aqua-Natura garðurinn. Þessi frábæri vatnsrennibrautagarður
býður uppá skemmtun og afslöppun áður en þú snýrð aftur heim í sólskinsskapi.

Vegalengd er ca 10-15 km frá flestum hótelum á Benidorm.

Flugtímar:

Beint flug frá Akureyri

14.04.18               AEY – ALC           10:30 – 17:10     
21.04.18               ALC– AEY            16:40 – 19:30

*Allt staðartímar*

Flogið er með WOW Air

Skilmálar & skilyrði

http://www.aktravel.is/skilmalar.pdf 

 

Ferðaskilmálar fyrir hópa- og pakkaferðir

http://www.aktravel.is/ferdaskilmalar.pdf 

 

Annað

  • Svandís Guðmundsdóttir er farastjóri í ferðinni

  • Takmarkað sætaframboð er í ferðina

  • Ferðaskrifstofa Akureyrar áskilur sér rétt á að fella niður ferðina ef
    þátttaka er ekki næg.

    Nánari upplýsingar hjá starfsfólki Ferðaskrifstofu Akureyrar.

 4600600
 aktravel(hja)aktravel.is