Paraiso del sol**
Ódýrt 2ja lykla (stjörnu) sambyggð smáhýsi eða raðhús á Playa de las Américas um 500 metra
frá strönd og í göngufæri við veitingastaði, verslanir og bari. Smáhýsin eru 2 hæðir og standa umhverfis snyrtilegan
sundlaugargarð með tveimur sundlaugum og barnalaug. Íbúðir á efri hæð eru með svölum og íbúðir á neðri
hæð með verönd.
Í garðinu eru einnig sólbekkir, snakkbar, borðtennis og billiard. Veitingastaðurinn er snyrtilegur með hlaðborði fyrir morgunverð og
kvöldverð. Þráðlaust net er í gestamóttöku.
Verð:
Stúdíó
kr. 134.900,- ( á mann miðað við 2 í stúdíó)
Íbúð m/1herb kr. 137.900,- ( á mann miðað við 2 í íbúð)
aukagjald fyrir einbýli kr. 24.900,-
Innifalið er flug, flugvallarskattar, gisting, ferðir til og frá flugvelli á Tenerife og íslensk fararstjórn
Vulcano****
Mjög gott 4 stjörnu hótel á besta stað í hjarta Playa de las Americas. Það, sem einkennir hótelið er einstaklega falleg
gestamóttaka með setustofum þar sem umhverfið minnir á lystigarð. Sundlaugargarðurinn er stór, gróðursæll og með sundlaug,
barnalaug og fjölda sólbekkja.
Hótel Vulcano var allt endurnýjað árin 2004 og 2005. Ströndin er um 300 metra frá hótelinu og stutt er að göngugötum með
verslunarhúsum og sérverslunum. Barir, veitingahús og kaffihús eru á hverju strái og hótelin Villa Cortes, La Siesta og Parque
Santiago eru steinsnar frá hótel Vulcano.
Hótelið býður upp á skemmtidagskrá á hverjum degi fyrir alla aldurshópa. Sundleikfimi og leikir í lauginni eru á
daginn. Fjölbreyttar sýningar eru á kvöldin, einnig lifandi tónlist og dans. Við hótelið er tennisvöllur og einungis 1 km er á
golfvöllinn Club de Golf las Américas.
Herbergi eru 365 talsins, mjög rúmgóð og geta öll rúmað þrjá gesti. Öll loftkæld, með síma,
sjónvarpi, smábar, öryggishólfi, hárþurrku og svölum eða verönd.
Í aðal veitingasal hótelsins er matur borinn fram á hlaðborði, eins og gjarnan tíðkast á Spáni og á það bæði
við um morgun- og kvöldverð. Á hótelinu er einnig pianóbar og snakkbar við sundlaugina.
Hótel Vulcano er einstaklega góður kostur á sanngjörnu verði og hafa gestir verið hæstánægðir þar í gegnum
tíðina.
sjá nánar http//www.hotelvulcano.com
Verð:
2ja manna herbergi: kr. 163.500,-
Aukagjald f. einbýli kr. 23.900,-
Innifalið, flug, flugvallarskattar, ferðir til og frá flugvelli, ísl. fararstjórn, gisting í 2ja manna herb, m/hálfu
fæði ( morgun og kvöldverði.
Bókanir í síma 4600600 eða aktravel@aktravel.is
